2004-cü ilin iyunundan AzadlıqRadiosu efirində səslənən bu proqram Azərbaycanda və bütövlükdə dünyada baş verən mədəniyyət olaylarının izinə düşür. "İz" yalnız ədəbiyyat və incəsənət xəbərləri ilə kifayətlənmir və mədəni yaddaşı vərəqləməklə, önəmli olayları tarixi kontekstdə yenidən canlandırmaqla öz auditoriyası ilə daimi dialoqa can atır. Zaman-zaman "radio dastanı" formatından da yararlanan proqramda Azərbaycanın ictimai-siyasi və mədəni həyatının az bilinən, sanki unudulan epizodlarına üz tutulur. Beləcə, sənəd və canlı şahidlərin diliylə, üstəlik, dinləyicilərin gözü önündəcə haqqında söz açılan dönəmin özəllik və gizlinləri üzə çıxır.